جرائم پیشہ عناصر کے لیے آخری وارننگ تفصیلات کے لیے وزٹ کریں ہماری ویب سائٹ

عوامی پیغام: کامران عامرخان، ڈسٹرکٹ پولیس آفیسر منڈی بہاؤالدین!
__________________________________________________
منڈی بہاؤالدین میں امن و امان کے قیام اور قانون کی حکمرانی کو یقینی بنانے کے لیے میری پالیسی بالکل واضح ہے۔ میرا مقصد ضلع کو ہر قسم کے شرپسند عناصر سے پاک کرنا اور شہریوں میں تحفظ کا احساس پیدا کرنا ہے۔ اس حوالے سے میرا پیغام واضح اور دو ٹوک ہے:
1. جرائم پیشہ عناصر کے لیے آخری وارننگ:
قانون شکنوں، چوروں، ڈکیتوں، منشیات فروشوں، قبضہ مافیا اور اشتہاری مجرمان کے لیے منڈی بہاؤالدین میں اب کوئی جگہ نہیں ہے۔
• اصلاح یا ضلع بدری: جرائم پیشہ افراد اپنی اصلاح کر لیں ورنہ ان کوچھُپنے کی جگہ نہیں ملے گی، کیونکہ اب ان کے دن گنے جا چکے ہیں۔
• کلچر کی تبدیلی: ضلع میں بدمعاشی، غنڈہ گردی، ناجائز اسلحہ کی نمائش اور “ڈالہ کلچر” کی کسی صورت گنجائش نہیں ہے۔ قانون سے بالاتر کوئی کتنا ہی بااثر کیوں نہ ہو، پولیس کا آہنی ہاتھ اس کے گرد گھیرا تنگ کر دے گا۔
2. محکمہ پولیس کے لیے پالیسی اور احتساب:
• زیرو ٹالرنس: تفتیش میں کسی شہری کے ساتھ زیادتی، نامناسب رویہ یا بدتمیزی ہرگز برداشت نہیں کی جائے گی۔
• کرپٹ عناصرکاصفایا: اگر پولیس کا کوئی بھی افسر یا اہلکار جرائم پیشہ افراد کی پشت پناہی کرتا پایا گیا، تو اسے نشانِ عبرت بنا دیا جائے گا۔ پولیس کا کام مظلوم کا ساتھ دینا ہے، ظالم کا نہیں۔
3. عام شہریوں کے لیے یقین دہانی اور رسائی:
عوام الناس کے لیے پولیس کے دروازے 24 گھنٹے کھلے ہیں۔
• آسان رسائی: ضلع کے ہر شہری کی مجھ تک رسائی آسان، فوری اور براہِ راست ہوگی۔ میرٹ کو اولین ترجیح دی جائے گی اور کسی بھی سفارش یا دباؤ کو خاطر میں نہیں لایا جائے گا۔
• پولیس-عوام تعاون: ہم ایک ایسے کلچر کو فروغ دے رہے ہیں جہاں تھانہ مظلوم کی پناہ گاہ اور ظالم کے لیے عبرت کی جگہ ہو۔ آپ کی دی گئی معلومات کو صیغہ راز میں رکھ کر فوری کارروائی عمل میں لائی جائے گی۔
________________________________________
آپ کی توجہ کا شکریہ، اللہ تعالیٰ ہمیں اپنے نیک مقاصد میں کامیاب کرے، آمین!
“ہمارا عزم: محفوظ منڈی بہاؤالدین، پرامن منڈی بہاؤالدین”