انتظامیہ کی جانب سے مختلف مقامات پر نگرانی کا عمل جاری رہا تاکہ کسی بھی خلاف ورزی کو روکا جا سکے

پاہڑیانوالی میں پنجاب حکومت کی ہدایات پر عملدرآمد یقینی بنانے کے لیے تاجر برادری نے ذمہ داری کا مظاہرہ کرتے ہوئے سمارٹ لاک ڈاؤن کے تحت مقررہ وقت پر تمام دکانیں اور مارکیٹیں بند کر دیں۔ شاہد سانول کی رپورٹ کے مطابق مقامی انتظامیہ کی جانب سے جاری احکامات پر مکمل عمل کیا گیا اور بازاروں میں غیر ضروری ہجوم دیکھنے میں نہیں آیا۔ تاجر رہنماؤں کا کہنا تھا کہ حکومتی فیصلوں پر عمل کرنا وقت کی ضرورت ہے۔ اس موقع پر شہریوں نے بھی تعاون کرتے ہوئے جلد خریداری مکمل کی اور گھروں کو لوٹ گئے۔ انتظامیہ کی جانب سے مختلف مقامات پر نگرانی کا عمل جاری رہا تاکہ کسی بھی خلاف ورزی کو روکا جا سکے۔ مقامی پولیس اور دیگر ادارے بھی متحرک رہے اور مجموعی صورتحال تسلی بخش رہی۔ شہریوں نے امید ظاہر کی کہ اسی طرح تعاون جاری رہا تو حالات مزید بہتر ہو سکتے ہیں اور کاروباری سرگرمیاں بھی جلد معمول پر آ جائیں گی۔