ایران کا بڑا اعلان، آبنائے ہرمز دوبارہ کھولنے کی پیشکش
ایران نے کہا ہے کہ اگر امریکہ اپنی فوجی کارروائیوں کا دباؤ کم کرے اور ایرانی بندرگاہوں کی ناکہ بندی ختم کرے تو تہران سات دن کے اندر آبنائے ہرمز کھولنے کے لیے تیار ہے۔
ایرانی حکام کے مطابق آبنائے ہرمز کو دوبارہ کھولنے کا فیصلہ خطے میں جاری کشیدگی اور امریکی دباؤ میں کمی سے مشروط ہے۔ یہ آبی گزرگاہ عالمی تیل کی ترسیل کے لیے انتہائی اہم سمجھی جاتی ہے اور اس میں رکاوٹ کے باعث عالمی توانائی کی منڈیوں پر دباؤ بڑھا ہے۔
دوسری جانب ایران نے خبردار کیا ہے کہ اگر امریکہ نے فوجی کارروائیاں دوبارہ شروع کیں تو تہران اپنے ردعمل میں مزید سخت اقدامات کر سکتا ہے۔
عالمی سطح پر اس پیش رفت پر نظر رکھی جا رہی ہے کیونکہ آبنائے ہرمز کی صورتحال کا اثر تیل کی قیمتوں، عالمی تجارت اور خطے کی سکیورٹی پر پڑ سکتا ہے۔
