نئے صوبوں پر بڑا سیاسی دھماکا! محسن نقوی کے اعلان نے سندھ میں ہلچل مچا دی
اسلام آباد: پاکستان میں نئے صوبوں اور انتظامی یونٹس کے قیام کا معاملہ ایک بار پھر سیاسی بحث کا مرکز بن گیا ہے۔ وفاقی وزیر داخلہ محسن نقوی نے انتظامی نظام میں تبدیلی اور نئے انتظامی یونٹس کے قیام کی ضرورت پر زور دیتے ہوئے کہا ہے کہ عوام کو بہتر سہولیات کی فراہمی کے لیے نظام میں بہتری ضروری ہے۔
محسن نقوی کے بیان کے بعد سیاسی حلقوں میں بحث تیز ہوگئی ہے، جبکہ سندھ کی جانب سے بھی نئے صوبوں کے معاملے پر تحفظات اور سخت ردِعمل سامنے آیا ہے۔ پیپلز پارٹی نے سندھ کی آئینی حیثیت کے حوالے سے کسی بھی اقدام کی مخالفت کرتے ہوئے وفاقی حکومت سے وفاقی وزراء کے بیانات کا نوٹس لینے کا مطالبہ کیا ہے۔
دوسری جانب مختلف سیاسی رہنماؤں کی جانب سے نئے صوبوں کے قیام کو انتظامی مسائل کے حل اور اختیارات کی نچلی سطح تک منتقلی کے لیے ضروری قرار دیا جا رہا ہے۔
نئے صوبوں کا معاملہ آنے والے دنوں میں سیاسی منظرنامے پر مزید شدت اختیار کرنے کا امکان ظاہر کیا جا رہا ہے۔
