کوشش کریں تو کچھ بھی ناممکن نہیں ہے اس کی ایک مثال گھنیاں گاؤں ہے جو تحصیل پھالیہ ضلع منڈی بہاوالدین میں واقع ہے آج یہ ایک مثالی گاؤں ہے یہاں پر عوام کو وہ تمام سہولیات میسر ہیں جن سے پاکستان کے بڑے شہروں کی عوام بھی محروم ہے گھنیاں میں بہترین صفائی کا نظام بہترین ایمبولینس سروس بہترین سیکورٹی سسٹم بہترین سٹریٹ لائٹس پراجیکٹ غریب طبقے کی امداد کا بہترین نظام گاؤں کے نوجوانوں اور خواتین کو ہنر سکھانے کا بہترین پراجیکٹ ، صحت کے حوالے سے وقتاً فوقتاً فری میڈیکل کیمپ کی سہولت ۔ گاؤں کے تقریباً تمام یتیم بچوں کی تعلیم و کفالت کا بہترین نظام گاؤں میں بے شمار ہونے والے فلاحی کام،گاوں میں امن و امان اور محبت کی فضا گاؤں کے مسائل کو حل کرنے کا بہترین نظام موجود ہے یہ جتنا بھی سسٹم ہے یہ سب گھنیاں کی باشعور عوام نے اپنی مدد آپ کے تحت بنا کر ایک مثال قائم کر دی ہے گھنیاں ویلفیئر فاؤنڈیشن نے پروفیشنل طریقے سے کام کرتے ہوئے آج اپنے گاؤں کا نقشہ ہی بدل دیا ہے حکومتوں نے ہمیشہ عوام کے لیے سوائے مسائل کے اور کچھ نہیں چھوڑا عوام اگر کوشش کرے اپنی مدد آپ کے تحت اپنے مسائل حل کرے تو کچھ بھی ناممکن نہیں ہے۔رپورٹ راجہ مزمل عباس سینیئر بیورو چیف بولتا پنجاب نیوز منڈی بہاؤالدین
