تھانہ گوجرہ کا ناجائز اسلحہ کے خلاف کریک ڈاؤن 08 ملزمان گرفتار ملزمان کے قبضہ سے بھاری تعداد میں ملکوال پولیس کی کارروائی ، مویشی چور گینگ گرفتار ، لاکھوں روپے مالیتی 11مویشی برآمد۔
منڈی بہاؤالدین(رٹ نیوز ) ڈی پی او انور سعید کی ہدایت پر تھانہ گوجرہ پولیس نے ناجائز اسلحہ کے خلاف کریک ڈاؤن، آٹھ ملزمان گرفتار ، ملزمان کے قبضہ سے بھاری تعداد میں اسلحہ برآمد گرفتار ملزمان سے ایک بندوق بارہ بور، ایک ریپیٹر، دورائفل 8ایم ایم ، چار پسٹل اور بھاری تعداد میں راؤنڈز برآمد کرکے ملزمان کے خلاف مقدمات درج کرلیے اور تفتیش شروع کردی جبکہ ملکوال پولیس نے جرائم پیشہ عناصر کے خلاف کارروائی کے دوران تیمور عرف تیموری مویشی چور گینگ کو سرغنہ سمیت گرفتار کرلیا ،تین روز قبل تھانہ ملکوال کے علاقہ خضر میں نامعلوم ملزمان ایک ڈیری فارم سے پانچ بھینسیں ، تین گائے اور چھ بچھڑے اور کٹرے چوری کرکے لے گئے تھے ، پولیس نے مقدمہ درج کرکے ملزمان کو ٹریس کرکے ان کے قبضہ سے تین بھینسیں ، تین گائے اور پانچ بچھڑے اور کٹرے برآمد کرلئے ۔ گرفتار ملزمان میں اکمل ساکن بہاولپور، خالد سکنہ وہاڑی، سلیم سکنہ ملتان ، اللہ دتہ سکنہ لودھراں اور ندیم سکنہ لودھراں شامل ہیں جو مویشی چوری کی متعدد وارداتوں میں ملوث ہیں ، ملزمان سے تفتیش کی جارہی ہے ، مزید انکشافات بھی متوقع ہیں، ڈی پی او انور سعید کی جانب سے پولیس کو جرائم پیشہ عناصر کے خلاف سخت کارروائی کی ہدایت کی گئی ہے ، ڈی پی او نے کہا کہ ضلع کو جرائم سے پاک کرنا پولیس کی اولین ترجیحات میں شامل ہے ، شہریوں کے سکون اور ضلع کے امن و امان کو برقرار رکھنے کے لئے تمام وسائل بروئے کار لائے جارہے ہیں ، ضلعی پولیس عوام کی حفاظت کے لئے ہمہ وقت متحرک ہے
اسی طرح ڈی پی او انور سعید کنگرا نے ملزمان کی گرفتاری اور مال مسروقہ کی برآمدگی پر پولیس ٹیم کی کارکردگی کو سراہا
168
